megaride0

 
VICO NAPULITANO

E' sarracena 'sta strada 'nfosa,
'na fila 'e vascie, nu vico chiuso,
so' gocce 'e chianto sti panne spase,
na stanza pare ch'è nu pertuso.

Fenesta vascia cu' na Maria,
ca me faceva sunna' l'ammore,
t'hanno 'nzerrata cu' na buscia
d''o terramoto ch'è senza core.

Chesta canzone, canzone amara,
porta 'int''e nnote cchiu' 'e nu dulore
quanno se perde na cosa cara
se po' asci' pazzo, ce sta' chi more.

Na mana sfila 'int''a sacca onesta
na vocca strilla 'nfaccia 'e prumesse
e' sulo 'arraggia chella che resta
quanno nu popolo e' cuoppo allesse.

'O vico ajere nun era santo
si l'attuccava te deve 'a mano
ce steve 'a risa, ce steve 'o chianto,
era nu vico napulitano.

"CASTIELLAMMARE"

Se contano stasera 'e stelle 'ncielo
ma so' migliare 'e lluce 'mmiez''o mare
nun se danno cchiu' 'a voce 'e marenare
chisà pecchè, chisà qual'è 'o mistero...

Na vota se redeva 'ncopp''all'onna
ogge sta ggente tene 'a faccia scura
l'unica luce è l'acqua d''a Madonna
e po' che resta? L'ombra d''a paura!

Nun sona cchiù 'a sirena 'int''e cantiere
nun scenneno cchiù 'nfunno 'e palummare
chiagneno 'e rrezze, fioche so' e' lampare,
ricco è sultanto 'o funno 'e nu bicchiere...

Pero' Castiellammare è nu splennore
l'avite vista maje chesta scugliera?
me pare cchiù lucente quanno è sera
'a guardo e sento palpita' stu core.

E' bella pure cu' sta faccia scura
ma nun dicite ch'è na perla nera
riturnarrà, chest'anema ce spera,
chella 'e na vota senza cchiù paura.

... I' nun saccio niente
e niente cchiù aggia sapè'
e po' nun me purtate abbascio
addò se perde pure 'a faccia
I' nun vaco niente
è già assaje che penzo a me
e nun m'a faccio cu nisciuno
e ghià nun me spugliate annuro
'A sera mammema m'aspetta
nun dorme si nun sto int'o lietto...

O'Tiempo Vola - Pino Daniele

Ma che puzza dinto a 'stu vico
Comme fa' 'a gente a campà'
Cu 'sta puzza sotto 'o naso
Ca nun se po' cchiù suppurtà'
Mo' chiamammo a quaccheduno; ccà quaccosa
s'adda fa'
Simmo sciemë o poco buonë
Forze è chesta 'a verità
E s'è rotta 'a sajettera
'A gente scrive 'e nummarielle
Ma qua' nummere e 'a culonna
Ce vo' l'aiuto d'à Maronna
Chi ce 'o dice a S. Gennaro
Ma 'a fernimmo cu' 'sta storia
Ccà scarzeano 'e denare e s'adda campà'
E' passata 'a prucessione
Pure chesta è tradizione
Se ne cadeno 'e palazze e a nuje ce abbrucia 'o
mazzo
'A città è cchiù pulita ma ognuno mette 'o dito
E nce vo' mangnà'
Ma nun dà retta, ce sta chi ce penza
'Mmiezo a 'sta gente ce sta chi ce penza
E l'America è arrivata
Nce ha purtato tanti cose
So' tant'anne e tanta storia
E nun se ne và
S'è pigliato 'e meglio posti'e chesta città
Mentre nuje jettammo 'o sang'
Dinto 'e quartieri 'a Sanità